د امیرخان متقي صاحب او حکمتیار صاحب د څرګندونو علمي ـ تحلیلي ارزونه (په لیکلي تحلیل او ویډیويي کلپ کې) په تازه څرګندونو کې امیرخان متقي پرته له استثنا ټول جهادي مشران د شاوخوا شپېته زره افغانانو د وژلو مسؤل وبلل. اساسي پوښتنه دا ده چې دا شمېرې پر کومو مستندو اسنادو، څېړنیزو راپورونو یا رسمي مراجعو ولاړې دي؟ که چېرې د کره شواهدو پر ځای یوازې د سیاسي تبلیغاتو په موخه وړاندې شوې وي، نو له علمي او تاریخي پلوه یې اعتبار تر جدي پوښتنې لاندې راځي. ۱. د طالبانو د جګړو تلفات او اغېزې د طالبانو د جګړو په اړه کره شمېرې ښيي چې یوازې د دوی د خپلو جنګیالیو د تلفاتو اندازه هم لوړه وه، او ملکی وګړو ته یې لا دروند تاوان اړولی دی چي یو څو پیښو ته ئی زه اشاره کوم: د کابل په دروازو کې د طالبانو لومړنۍ جګړې د ۱۲۰۰ – ۱۵۰۰ کسانو تلفات لرل. د شمالي جګړو پر مهال د طالبانو تلفات تر ۷۰۰۰ کسانو اوښتي وو. د دې ترڅنګ لسګونه زره افغانان، چې زیات یې ملکي وګړي وو، د طالبانو او د هغوی د مخالفینو د جګړو ښکار شول. د خلکو کورونه، باغونه او شتمنۍ هم ویجاړې شوې. د مزار شریف د لومړني سقوط په پېښه کې چې د جنرال عبدالمالک سره د طالبانو ایتلاف جوړ شو، طالبانو خورا درانه تلفات ولیدل. د بېلابېلو راپورونو له مخي د دې پېښې په ترڅ کې د طالبانو د تلفاتو شمېر ۱۰ زرو څخه ډېر اټکل شوی دی یوازې په دشت لیلي او قلعه جنګي پېښو کې زرګونه طالب بندیان ووژل شول. د جنرال دوستم، محمد محقق او عطا محمد نور تر مشرۍ لاندې جګړو کې هم زرګونه انسانان له منځه لاړل. د جمهوریت پر مهال بیا د جګړو او چاودنو له امله هره ورځ شاوخوا ۳۰۰ افغانان وژل کېدل، چې اکثریت یې ولسي وګړي وو، نه بهرنیان. که د ټولو پېښو مجموعه یو ځای محاسبه شي، د طالبانو جګړې د افغانانو د تلفاتو په کچه کې د امریکایانو، روسانو او کمونیستانو تر جګړو هم زیات ځای نیسي. ۲. د حکومتدارۍ د موضوع ارزونه سره له دې چې متقي صاحب پر نورو سیاسي ډلو د ناکام حکومت جوړونې تورونه لګوي، د طالبانو د امارت حکومتي جوړښت خپله له جدي نیمګړتیاوو ډک دی: الف. تر اوسه هېڅ ډول رسمي قانون نه لري. ب. ملي شورا او د خلکو له خوا ټاکل شوي استازي شتون نه لري. ج. د دولت مشر (ملا هبت الله) نه یوازې خلکو نه دی لیدلی، بلکې د مشرتابه د شفافیت اصول یې هم نه دي مراعات کړي. د. د طالبانو واکمني نه داخلي مشروعیت لري او نه یې تر اوسه نړیوال مشروعیت ترلاسه کړی دی. د امیرخان متقي صاحب څرګندونې له علمي او تاریخي پلوه د کره اسنادو او څېړنیزو مرجعو پر ځای یوازې سیاسي تورونه ښکاري. د افغانستان د جګړو د تاریخ واقعي څېړنې ښيي چې د طالبانو د جګړو په پایله کې د زرګونو افغانانو ژوند له منځه تللی او لا ډېر خلک بېځایه شوي دي. له همدې امله، یوازې پر نورو ډلو د تورونو اچول او د طالبانو د نقش نادیده نیول د تاریخ تحریف ګڼل کېږي، نه علمي قضاوت.
@BahwolHamid حکمتیار حفظه الله همواره سخنان بر حق را گفته است و انشاءالله کسانیکه بخواهد نام مجاهدین بر حق را تضعیف کند بیشک که همکار ابلیس شده و نابود خواهد شد
@BahwolHamid یوطرفه تحلیل کول مغرضانه عمل دی طالبانوکه یومیلیون شهیدان ورکړه دادیوخاص هدف لپاره وو که داشهیدان دوه میلیونه ته هم رسېدلي وای،موږبه یې بیاهم ضایع نه ګڼو،ځکه هغوی خپل هدف ترلاسه کړ اوس،دآزادۍتراخیستلووروستهطالبان دومره محبوبیت دولس په منځ کې پیداکړ،چې حزبیانویې تصورهم نه شوکولای.
@BahwolHamid حکمتیار آن روز که به خون جوانان حزب پشت کرد و از سنگر جهاد فرار و به ناتو تسليم شد روز زوال و رسوایی اش شروع شد. اگر به ناتو تسليم نمیشد ملت چهره اصلی حکمتیار را نمیشناخت اکنون تشت رسوایی حکمتیار از بام افتاده است
@BahwolHamid د امریکانو د اشغال په دوران کی تقریباً یوه میلیونه افغانانو خپل ژوند د لاسه ورکرلی دی،اماتر تولو خواشینوکی خبره دا ده چی پدی یو میلیونه وژول سو کی نیمایی یی طالبانو وژلی دی او نور یی امریکانو ، نو طالبان دی دداسی جنایاتو یادونه وکی چی دوی خپله هم هغه جنایات نوی تر سره کرُلی ،
@BahwolHamid اخنذاده صاحب داخلي مشروعیت ولی نلري طالب ته ولس مهم ده نه جنګ سالار او نه قدرت طلب دولس امنیت خوندي ده خدمات شته ظلمونه ،تیری ،فساد او دمخدره موادو مخنوي شوی لوی یې پروژې له کار لاندې دي اصلاحاتو ته کارونه کیږي دولتي اداري تر ارګه پوري دملت په مخ خلاصې دی فلهذا خارجي مشروعیت