General Sher Mohammad Karimi @GeneralKarimi

د یو نابینا پلار لوستې لور! ولي محمد د ملي اردو سرتیری و،په یو بمي چادونه کي یې غبرګي سترګې له لاسه ورکړې،خو د هغه سترګې او د لاري مشال اوس همدا لور ده. په لوڼو تعلیم وکړئ،د ژوند هر امتحان به درته اسانه کړي،که ړوند هم شې،خو د باسواده لور پّ لرلو به هیڅکله د کمزوري احساس ونه کړې

پاکستان د تاریخ په اوږدو کې د افغانستان ګانډی نه،بلکه سرسخت دښمن پاته شوی. په هیواد کي د جمهوریتي نظام د بدنامۍ یو ستر لامل د همدې مغرضو افرادو دخول د حکومت چوکاټ ته و. په پاکستان کي هیڅ وخت د افغانستان د ثبات ناسته نه کیږي،دا واورئ،هلته ورتلل د هیواد سره خیانت دی!

د خپلواکي ۱۰۶ مه کالیزه مو مبارک شه، د ستر امان روح دي ښاد وي،په هغه وخت کي له انګریز خپلواکي اخیستل اسان کار نه و،د هند غوندي لویو هیوادونو د ازادۍ چیغه نسوای کولی،ځکه د سر په بیه وه،غازي امان الله خان د هیواد سره لیونۍ مینه لرله، او ثابته یې هم کړه!

په ږیره پسي بشپړ دین او انسانیت مه ځړوئ. تر ږیري لاندي چې ځینو تش په نوم د جنګي ډلي مشرانو کوم جنایتونه او وحشتونه وکړو،هیڅ بل انسان به نه وي کړي. ان ځینو قاتلینو او غلو اخر د اسلام تر چتر لاندي خپلو جنایتونو او غلاوو ته شرعي جواز ورکاوه او ولس یې په تسبو او ږیره خطا کړی و!

هغه مشر چې د خلکو په منځ کي نه وي،د ولس ترڅنګ نه وي، هغه هیڅکله د ملت له دردونو نه خبریږي. کله چې د ولس تصویر د یوې خاصي کړۍ لخوا تر مشره رسیږي، نو حقیقي تصویر د خپلي چاپلوسۍ په واسطه د مشر د خیالاتو مطابق جوړوي،هغه خوشحالوي،د موجوده حکومت په مشر د ملایانو لخوا همدا ټوکه کیږي!

د تاریخي روایاتو په بنسټ پاکستان هیڅ د ازادي ورځ نلري،بلکه د ایجاد ورځ لري،یعني جوړ شوی دی. مستعمره هیوادونه د خپلواکي اخیستلو ظرفیت نلري،ښه مثال یې له بنګدیش سره د پاکستان جګړه وه،چې بنګالیانو د ۹۰۰۰۰ پنجابي پوځ څخه پتلونونه وایستل، او خپلواکي یې واخیسته!

عباس ستانکزی د دوحې د مذاکراتو هغه سړی و،چې هره شېبه به د کېمرې مخته ولاړ و،د رسنیو سرټکی و،زموږ د ملي اردو د منحل کیدو خبره هم لمړي ده وکړه. هغه وخت په دوی کي داسي ژبور کس نه و،چې رسنیو ته خبري وکړي،کندهار خپله ګټه ځني واخیسته،بیا یې داسي ختم کړ،چې دا کال یې غږ ندی اوریدل شوی!

پښتون باید دوا خان وي او تخلص یې مینه پال وي. مینه پاله: "کلونه تېر شول، نه پښتون درمل شو، نه مینه پال شو، بلکه ترپخوا نور هم مستبد او ظالم شوی، په لوڼو یې تعلیم بند کړی،ښځي لاهم ناقص العقله ګڼي". شهید مینه پال یو مخلص ملګری او وطنپال کس و، رب دي جنتونه ورکړي، نه هېرېږي!

څه چې کرې هغه به رېبې! همدې طالبانو به ډير عادي مجرمین د کیمرې مخته کینول،په زوره به یې اقرار ورباندي وکړ،دا کیسه لمړی دوی شروع کړه،خو نن د هماغه کیمرې مخ دوی ته برابر شو،باور لرم،دوی به اوس هماغه حیثیت وژنه حس کړې وي،چې د یو بې وزله کس راز افشا کول،څومره سخت وي!

په هیواد کي د ښاغلي میرویس عزیزي د لس میلیارده ډالرو پانګوني ته خوشحاله یم،له موجوده حکومت سره تر مخالفت ورهاخوا هلته زموږ څلویښت میلیونه خلک ژوند کوي،زموږ وطنوال دي، حق لري،موږ باید خپل شخصي مخالفت تر ملي ګټو مهم ونه ګڼو، په جلا وطني کي تر هرشي د وطن د پرمختګ خبر خوږ لګیږي!

زما شاته ولاړ دا درې رنګه یوازی بیرغ ندی، دا زموږ پېژند، هویت او د ملي وحدت سمبول دی، چې تل به د ملت په زړه کي قرار لري! د بیرغ ورځ

د ملتونو سیاسي بقا هغه وخت تضمینیږي،کله چې د لوړو مقاماتو برخورد د سرتېرو سره صمیمانه وي،مثبته روحیه ورکړل شي او دومره مادي امکانات ورته چمتو شي،چې غلا یا فساد ته مجبور نشي،هغه ملتونه چې عسکر یې رشوت خواره دي،هیڅ بقا نلري! تصویر په سندهرست برتانوي اکاډمي کي اخیستل شوی.

اولادونه وروزئ،څومره چې مو په وسه وي،په هماغه اندازه ستړیا ورسره وګالئ،ځکه دا هغه غوړیدلي ګلونه دي،چې خوش بویي به یې تر ډیرو ځایونو ورسیږي. هیڅ ډول سخت حالت یو کار ناممکن کولی نشي. دا دیون باسواده او تعلیم افته کورنۍ ده،یون ريښتیا یون دی،د زده کړو او فرهنګي ارزښتونو یون دی.

ویل کیږي چې د افغانستان تولید دی، زړه مې ښه سو، خو د نجونو د تعلیم د محرومیت موضوع یو داسي لویه تراژیدي ده چې په هر ډول پرمختیايي خبرونو یې د خفګان سیوری غوړولی! او داسي خبرونه هم شته، چې په هیواد کي یوازی یو کس د زده کړو مخالف دی،باقي نور یوازی د هماغه کس امر واجب ګڼي.

مرحوم تراب یوازی یو شاعر نه و،هغه د زړورتیا او جرات یو باغي سپاهي و،یو فکري مکتب او د پښتنو د راوېښولو رسا غږ و،د مرګ خبر یې په جلا وطني ډير سخت را باندي ولګید،کاش مو یې وروستی ځل کټ ته اوږه ورکړې وای،نور خو مو څه په وسه نه و، رب دي جنتونه درکړي، تراب په ريښتیا تراب شو!

ځيني کسان لکه تخم داسي وي،سر یې غوڅ شي، خو د خاورو لاندي پرته تنه یې بیا راپورته شي،نوري څانګي وکړي،مولانا همداسي کس و،د هغه فکر او مبارزه ژوندۍ ده،یوازی څهرې یې بدله شوه! پکار ده د عدم تشدد لارویان بهرني ملاتړ پیداکړي،کنه داسي لویي ضایعي به یې پښتۍ کمزورې کړي! #maulanakhanzeb

په همسایه هیوادونو کي میشت افغانان د ذلالت په وروستي حد کې بیا هم یوه شپه پاتیدل غنیمت ګڼي،موجوده حکومت ته بویه چې د خپل یوه بې وسه افغان مهاجر سره د شوي وحشت پوښتنه وکړي، افغانان په دیوالونو پسي ځړول،بې ګناه شهیدانول، دا د ټول حکومت په مخ د بې عزتي څپیړه ده او پوښتنه یې واجب ده!

په دومره لویه پېمانه د مهاجرو افغانانو بیرته ستنېدل هیواد ته د اندیښنې وړ دي،افغانان په کمزوري اقتصادي حالت کي قرار لري،د کاري فرصتونو کمښت او په زیاته کچه بندیزونه به وطن ته د ستنېدونکو هیوادوالو په راتلونکې ژوند منفي اغېز وکړي،هیله ده همسایه هیوادونه خپل جدیت کم کړي.

keyboard_arrow_left Previous keyboard_arrow_right Next