ABDULLHADY. @GripThoughts

بقول اللى بِتفكَر فِيه. 🇪🇬 | 🇰🇼 Joined May 2017

Tweets

5K
Followers

67K
Following

44K
Likes

14K

ABDULLHADY. @GripThoughts

7 years ago

لو ركزت مع النَاس الأقوياء، اللي صوتهُم فِيه ثقه، اللي ضحكتهُم فضيحة، اللي مابيتكسروش، ما بيعِيطوش، النَاس اللي بتحاول وبتعافِر، هاتعرف إن كلهم بيمثلوا وإنهم أكتر ناس مِحتاجة تحِس بالحُب والدفا، هاتعرف إن القوي مش أقل النَاس إحتياجاً للمشاعر، القوي أشطر واحد بيعرف يخبي والله..

5 339 715 0 11

ABDULLHADY. @GripThoughts

7 years ago

كل شخص فينا عنده كلام مش قادر يقوله، شعور مش قادر يوصفه، كلنا عندنا جزء مداري بعيد عن نظر الناس، خبطه بانت بسيطة لكنها جوانا مؤلمة، تجربة منتهية أثرها باقي منتهاش، حكاية انتهى الكلام عنها ومنتهاش شعورنا بيها، كلنا عندنا حاجة بتبان لغيرنا بسيطة، بسيطة جدًا، وهي ف الحقيقة غير كده..

2 743 972 0 21

ABDULLHADY. @GripThoughts

6 years ago

٢ مايو ٢٠١٩. " كَيفَ تَغيِبْ الأَشيَاء الَّتِي بَدَت وَكَأَنَّهَا سَتَبقَى إِلَى الأَبَد؟ "

5 386 1K 0 10

ABDULLHADY. @GripThoughts

7 years ago

٢٥ ديسمبر ٢٠١٨. "لقد تجاوزنا الحُزن، نحن فى التعاسه الأن."

3 454 970 0 9

ABDULLHADY. @GripThoughts

7 years ago

مافيش حد بياخُد أو بيمتلِك حاجة حِلوة غير وقصادها عبء وحِمل ومشاكِل، خصوصاً الحَاجات اللي بيتقال عليها “أحلي حاجة في حيَاتي” لأن مشاكِلها مُمكن تكون متساوية مع حلاوِتها، ف ماتحسِدش ولا تنُق علي حد شايف عنده حاجة حِلوة، عشان ماعندكش فِكرة هو مستحمِل قد إيه من ورا الحاجة دي..

5 391 611 0 6

ABDULLHADY. @GripThoughts

6 years ago

مش عايز أقضي حياتي كلها ف إني بحاول أبقي كويس وإني بحاول أتخطى؛ انا حقيقي مش قادر أعمل حاجة تاني أكتر من الي عملتها؛ حاسس إني كنت بعاند الدنيا وإن كان عندي إحساس إني هكسب؛ انا كنت بعمل كل ده عشان ماحسش إني اتهزمت بس انا حاليا حاسس بإنهزام؛ فا بديهي أوي إني أقول الدنيا مش مُنصفة..

4 271 677 0 12

ABDULLHADY. @GripThoughts

7 years ago

٢٧ ديسمبر ٢٠١٨. "يا لهُ مِن جُهد أن تَبقى على قيد الحَّيَاة."

2 374 888 0 5

ABDULLHADY. @GripThoughts

7 years ago

أوقات كتير باحِس بعجز اللغة، يعني مُمكن تبقى حاسِس بكُل حاجة في نفس الوقت، مش عارف إنت فرحان ولا زعلان ولا غضبان مش عارف تمسك نفسك في حالة شعورية واحدة، كُل المشاعِر متلخبطة، زي ما يكون علبة ألوان مايّه و أتفتحت كُلها على بعض، مش قادر تشوف لون لوحده، مش قادر توصف مشاعرك في كلمة..

1 214 542 0 9

ABDULLHADY. @GripThoughts

7 years ago

فيه حاجات تستحق الزعل، وسدة النفس عن كل حاجة، حاجات ماينفعش نواسي فيها، ماينفعش معاها غير اننا نصرخ وننهار لحد ما نخرج الكبت والحزن ده، وبعدها الحياة ودايرة الأيام تغيرنا، والحياة صحيح مبتقفش نهائي، لكن مافيش مانع إحنا نقف شوية وبعدين الحياة تشدنا لها تاني وتاخدنا معاها كالعادة..

4 387 629 0 5

ABDULLHADY. @GripThoughts

6 years ago

أبتديت أحس إن الشيله بتخف لما بيشلوها اتنين فعلاً وإن الإنسان صعب يكمل لوحده بقية عمره وإن من حق كل واحد يكون فيه حد ف الدنيا دي موجود عشانه هو بس؛ حد يرمي عليه شويه من حموله وهمومه؛ حد يطبطب عليه ويقوله إن كل حاجة هتكون كويسة وإحنا مع بعض حتي لو مش هتكون؛ الوحدة ظلم بشكل أو بأخر

9 407 1K 0 25

ABDULLHADY. @GripThoughts

6 years ago

مش لاقي كلام أوصف بيه حالتي غير إني مكركب من جوايا، فيه قرارات مش قادر أخدها وخطوات مش عارف أخطيها، عُقد مش عارف أفكها، مخاوف كتير مش قادر أواجهها، ومش عارف أبدأ منين أو حتي إزاي وبتدور جوايا أسئلة كتير بتتمحور في هل أنا هافضل في الوضع ده كتير ولا هاقدر أعديه ولا مافيش مَخرج؟.

4 392 760 0 16

ABDULLHADY. @GripThoughts

8 years ago

كُنت محتاج اكلّمها، ماكُنتش عايز اقول لها حاجة مُعيّنة، كُنت محتاج اكلّمها وخلاص، كُنت عايز احسّ إنّها جانبي، لسّه في حياتي، أنا عارف إن اللي بيروح مابيرجعش، بس هي لسّه لها مكان في حياتي، أنا لسه بحبّها، يمكِن عشان لوحدي أوي فعايز اهرب لها، لسه باحسّ بالأمان لمّا بافتكرها، لسّه..

6 578 883 0 2

ABDULLHADY. @GripThoughts

7 years ago

انا بضايق أوى لما باشوف حَد شايف نفسُه مش جميل، سواء تخين أو رفيع، أسمر او أبيض، بشعر أو بحجاب، اياً كان شكلُه و لونهُ و شخصيته و حجم جسمه و إسلوبه و ضحكته و كُل حاجة، باشوف إن حرفياً كُل واحد يستحق إنه يتأكد إنه جميل قلباً وقالباً، وإن طول ما جواه كويس مش مُهِمْ ابداً اللى بره..

11 614 1K 0 18

ABDULLHADY. @GripThoughts

7 years ago

أنا دايماً بابقى للنهاية، دايماً بستنفذ كُل طاقتي فِي التمسُك، و مبمشيش إلا لما باعمل اللي عليا و زيادة، علشان لما أمشي مابصش ورايا تاني و أقول "يا ريتني" بأمشي و أنا عارِف و مُتاكد إن مافيش أمل، فبقلب الصفحة و أنا مِرتاح وبنِفس راضية جداً..