🔻 مهم | د ابو عبیده د وینا مهم ټکي (۴): - که د دښمن ترهګر حکومت د نسل کشۍ جګړه دوامداره وساتي، نو دېته دې هم چمتو وي چې د خپلو سرتېرو او افسرانو جنازې به په پرلپسې توګه ترلاسه کوي. نه به یې ټانکونه وژغوري او نه به یې د مرګ له هغو لمبو (الیاسین مرميو) وژغوري چې په مؤمنو لاسونو جوړې شوې او د الله په لاس ویشتل شوې. دوی ګومان کاوه چې زغرهییزې کلاوې به یې له الله عزوجل څخه ژغوري، خو الله له هغه ځایه پرې را وويشتل چې هېڅ تصور یې نهکاوه او د دوی په زړونو کې یې ویره واچوله. - موږ د خپلو مجاهدینو په استقامت او اتلولیو ویاړو او په دې هم پوهېږو چې زموږ مظلوم ولس او زړور صابر خلک څومره کړاوونه ګالي. موږ هره ورځ د دوی درد حس کوو، خو دا چې موږ د خپل رب له خوا د دښمن د دفع او قتال لپاره مکلف شوي یو، د کړاو شدت زموږ مکلفیت نه شي لرې کولای. مګر دا د دوه میلیاردو مسلمانانو له غاړې د مسؤولیت بوج نه لرې کوي؛ هغوی دا مسئولیت ضایع کړی. - زموږ دښمن ته د نړۍ تر ټولو ظالم قوتونه بېدرېغه وسلې او مهمات ورکوي، خو زموږ د امت حکومتونه او ځواکونه یوازې تماشا کوي، پداسې حال کې چې زموږ خلک د لسګونو زرو په شمېر وژل کېږي، وږي ساتل کېږي، له اوبو او دوا محرومېږي. - موږ د تاريخ لپاره له ډېر درد او خواشینۍ سره ګرد امت ته په خطاب کې وايو: ای د اسلامي او عربي امت مشرانو! ای د امت سترو حرکتونو! ای عالمانو! تاسې به د الله تعالی پر وړاندې زموږ مدعیان یاست؛ تاسې به د هر یتیم ماشوم، د هرې کونډې، هر بېکوره، هر لوږه تېرونکي او ټپي انسان پر وړاندې مسئول یاست. ستاسو غاړې د لسګونو زرو بېګناه انسانانو له وینو ډکې دي، هغه چې ستاسو د چوپتیا له امله يوازې پرېښودل شوي. - دې نازي مسلک لرونکي مجرم دښمن به هېڅکله هم د داسې نسل وژنې جرأت نه درلود، که چيرې په دې باوري نه وای چې سزا به نه ورکول کېږي، چوپتیا به حاکمه وي او خیانت به خرڅېږي. موږ هېڅ څوک له دې مسؤلیت څخه معاف نه ګڼو. هر څوک چې د حرکت توان لري، هغه مسئول دی، هر څوک د خپلې وسې او اغېز له مخې مسئول دی.
