Vicnelthomas @Vicnelthomas2

Map poze menm kesyon k te fè anpil moun fache a ankô: Eske bay katastwôf imen, mô san kè,apatrid, sinik, glouton, rapas, dechèpiyè, iresponsab, betizè, ensansib, karanklou, sanwont, san diyite, imoral, mensken, salôp sa yo dirije peyi pa yon krim kont limanite? Bagay yo lèd anpi!

Enfliyans Lamorthe sou: PM Conille, minis Dupuy, Nesmy Manigat, DG Rameau, pôt pawôl #2 PNH la, elatriye; moutre san dout ensekirite a pral gen plizyè gwo ofisyèl kôm parenn ak marenn. Nb: gansterizasyon peyi a se yon zouti pou te konbat dosye petwokaribe a. Lamorth pa inosan.m

Di w pap kite gang fè w tounen gang pou al konbat gang; eske se bib wap kebe nan menw pou wal preche kriminèl yo larepantans PM? Eske se pa yon siy ki moutre dirijan yo gen gwo enterè nan ensekirite a? Mwen panse yon deklarasyon iresponsab konsa dwe bay plis kè sote nan peyi a.

Enkyetid pam pou peyi a aprè nou finn konstate dirijan yo pa moutre yo gen bôn volonte pou rezoud pwoblèm ensekirite kap wonje peyi a; eske yo pap tou jwe sou gwo aplodiman merite yap resevwa pou jigantès prestasyon yo fè sou panèl nasyonzini an, pou yo tou di misyon yo akonpli?

Malgre inaktif dirijan yo fas a gran aks priyoritè gouvèneman an, fèm toujou opoze avèk yo pou mank volonte ak yon plan byen defini pou rezoud pwoblèm yo; men sa pap anpechem aplodi jigantès prestasyon istorik e pragmatik reprezantan ayiti a ofri nan okazyon 79vyèm sesyon ONU an.

Mwen twouve kesyon chanjman konstitisyon an twô entèrese blan an. Depi "dirijan" yo kontinye obeyi avègleman lôd etazini pase pou chanje konstitisyon an; ayisyen pral sibi yon gresman dan kap pimal pase kalvè nap moute anba gang san manman yo. kilèn t eseye aplike sa n genyen an?

Ou ka remake m pa janm pale de lajan CIRH klinton vôlè a. Men map toujou mande lafrans lajan restitisyon an, map toujou di fôk etazini dedomaje nou pou okipasyon mètriyè ak piyajè 1915 lan, etazini dwe dedomaje aysyen pou kantite tan ameriken pase ap piye lanavaz ki trè rantab.

Ti enterè pèsonèl k toujou fè yon moun pa vle di laverite. Men tout moun ki gen bon sans ap wè se yon vye pwojè makab ki kache dèyè operasyon endous encho a. Mwen gen presantiman jiskaske Jezi retounen, gouvèneman anplas la ap toujou jwenn yon fo pretèks sou kesyon ensekirite a.

Depi'w tande 2 bouwo nan tire manchèt, san dout se viktim nan ki mal separe. Zafè 2 bouwo kap goumen pa entèrese'm. M poko janm wè yo finn itilize yon kapôt, pou se pa nan poubèl yo voyel jete? Lè yo tap mare konplo kont peyi a, pèsôn pa janm konn ki moun ki te zammi ki moun.

Sanble se sèl sekirite ki pa rantre nan liy pritorite pouvwa a. Pwomès degrenn goch san fondman yo tèlman anpil, menm titanik pa ka pote yo. Eske n pa konstate aprè 4 mwa, machin nan toujou anbreye sou bak? M pap etone si ensekirite a sèvi zouti pou yo pase yon etènite nan pouvwa

Gresman de dan ki pral gen nan peyi a, se si ayisyen ta kite ekip san lejitimite ki mare nan pye tab karikôm nan, al manyen konstitisyon peyi a; pandan yo pa enspire konfyans. Nou pa konnen pandan nou pa gen kontwôl souverènte nou an, se blan kap ôdone sa pou yo mete pou li?

Nan peyi kote dirijan respekte tèt yo, depi otorite leta paka respekte, ap gen anpil e gwo demisyon. Pandan otorite ayisyen lanse eta d'ijans kont gang yo, tout gang ki te nan kaj yo pran lari tankou yo nan pwomnad. Echèk eta d'ijans lan se yon ave d'enpisans pou ekip anplas la.

Depi lèm te wè PM nan rantre tankou yon sovè toudenkou a, mw te sispèk. Yon peyi pat ka pase 218 tan l pat konstwi, pou PM nan ta fèm kwè lap gentan konstwi nan 18mwa? PM, pa gen pyès falasye pretèk ki vize manyen tout bagay alafwa kap fè nou bliye si gran priyorite w se sekirite

Ayiti se peyi ki bay plis malandren kôm dirijan! Eske yo se moun toutbon? Depi yo rive nan tèt peyi a, kè yo andyousi. "dirijan" sa yo bay gwo kèplen! Avèk matalite eskôpyon an, ayisyen pa diy pou yo dirijan. Bay ayisyen peyi pou yo dirije; se pliske yon krim kont limanite.Humm!

Toutan ayisyen pa bat chalbare deyè vye diskou ipokrit raketè politik yo toujou itilize ki fè kwè se blan ki vrè pwoblèm peyi a, nou fèk kare imèje nan labou dekonpoze a. Se twôp vagabon san vizyon nou bay dirije n, kou yo pa ka bay rezilta, yo pran pretèks se blan kôm boukemisè.

Peyi a reklame yon odit jeneral pou founi g gade ki kantite gagôt ki te fèt sou gouvèneman piyajè Aryèl la. Nou pap sese reklame yon ôgân pou kontwole tout depans gouvèneman Conille an ap fè. Nou kont tout plan makab ki ta vize fè gang yo fè silan pou makiye yon klima sekirite.

M poko wè yon sinn ki moutre nouvo ekip l' ap difetan avèk asosiyasyon sinik ki t akonpanye Aryèl nan alimante ensekirite ki destabilize peyi a, ki koz eleksyon pat janm fèt nan lide pou yo t pase tout yon etènite ap souse manmèl vye vach mèg la. Eske n ka espere yon denouman? ??

Kôm se sèl blan "dirijan" nan pouvwa ayiti toujou tande, bann mechan ka toujou kontinye konsa! Mwen sonje m te di Garry Conille poul pa panse se nan paradi l ye akoz gwo silans simetyè ki fèt aprè rantre l nan primati a. Anpil moun genlè kômanse dekouvri yon lôt faz nan PM nan.