N @_3n6p

جيتك مجي الكرام اللي تحب الكرام واخترت دربٍ توقف عندك نهايته ان كان جيت مجيك فوق صدري وسام وان كان رحت . . فمان الله ورعاايته .

يا مشغلٍ بالك و لا أحدٍ مراعيك لا تنشغل مع واحدٍ راح ما جاك ما كلّ من حبيت و أغليت يغليك و لا كلّ من تشفق على حبه أغلاك تسهر تخيّل نايمٍ ما حلم فيك و لا فزّ قلبه مرةٍ عند ... طرياك .

نضحك ولكنّا ما حنا بـ سالين نزعل و لكن ما تشوف الخلايق كم ليل مريناه ما غمضة عين نصبر مجي مجليات الضوايق احلامنا رهن الليالي من سنين و ظروفنا تكذب لو انها حقايق يالله عسى الأيام تضحك لنا لين ماعاد نذكر وجهها اللي يضايق

لك الشكر والتقدير ياقلبي الميلاف مايشعاك غير اللي محد يقدر يطوله ماحب المهونه والتودد والاستعطاف احب اتحدا الصعب لين اكسب الجوله اجاري زماني واتجرا على اصعب قاف واحل العقد لو كان ماهيب محلوله

تدري متى تعرف بقدري و تفقدني لا ارخصت نفسك لشخصٍ مايراعيها اليا اهملوك العرب بكره بتذكرني وتقول عزاه عيني من . . يداريها مدام غيري على قلبك مشاركني وش هو له اعلق الأمال وابنيها يكفيني انك رحلت ومنت عايفني هذا عزا النفس من كثرة بلاويها

ان ذخرتك لليالي لقيتك نور عين وان ذخرتك للشدايد تجي محزم ظهر انت مدري وش اسميك يالجنب المتين ؟ ماغير تجرى في بحور الطيب مجرى نهر

لا تعاتبني . . على قل اتصالي وانت تدري لوتبيني عند عينك ولا تحاسبني على الغيبه لحالي قبل تسأل أنا ويني أنت وينك ؟

أشوف السفر مابين فتره وفتره زين أنا بحاجه غياب أتفحص به أشواقي تراودني الضيقه لها حروة أسبوعين وتأثيرها واضح علي و على أخلاقي ولا يجبر خاطري سوى كسرة الروتين حسب خبرتي في معرفه حالة إرهاقي يامحتاج من شعر العتب والحزن بيتين انا والله المحتاج ضحكة من اعماقي

على طريق العزم تبقى السيادة ومن يتحدى يلقى دروبه ويرجوه الصبر عنوان الكرامة و الريادة وأفعالنا تشهد ولا حد ينفوه نفسي عزيزة ما تعرف للريادة ما تنحني للي يحاول يزعلوه وأنا على عهدي بعزم وإرادة ما هزني دربٍ ولا يومٍ يردوه

على طريق الصعب و الاستحاله قدرت أدلّ و كنت متعمّد أتوه هزايمي ، درس و صمودي رساله عايش، و لا لحّقت دنياي مشروه قلبي قنوع بوحدته و انعزاله ماهو مدوّر للعرب كان ما جوه "اللي يشوف انه يكفي لحاله" ما يلتفت للناس لا أقفوا وخلّوه

يا أهل العبارات القصيرة شاركوني عبارة مليانة عُمق :

أخذت أنا مايليق ، وعفت ما لايليق حشمت وجهي عن الحدره ومحوالها✨

أطنخ تدلل دام انا وأنت حيّين تفداك روحي كان روحي تسدك بلدك قلبي و الشوارع شرايين تمشي مع الشريان من حيث ودك مره تمشَى داخل العين ياعين ومره تخش الفكر ومحدٍ يردك

"انتي عن الذل و الحقران مرفوعه و الناس في خدمتك ورضاك طماعه سمّي و قولي ترا كلمتك مسموعه واليا سكتي نقول السمع و الطاعه❣️"

تجتمع فيك البراءه وكيد الغاويه فيك من غنج الغواني ومن طهر الطفل يوم اشوفك تلبسين الثياب الباهيه شي من لون الخزاما ومن لون النفل تنشديني كيف طلتك وانتي ناهيه يا غزالٍ .كل ما قلت ابا اصیده جفل انتي اللي تجبر البدر ياخذ زاويه والسحابه تستحي منك والنجمه تفل

تنحى اول الليل وبدا للهموم اسراب وانا تحت غصن الذكريات اندب الورقا ياشين الشعور الي يعيشونه الاحباب بعد لذة الجمعات ومجاهد الفرقا وياشين الحبايب لاصبحو فالحياه اغراب " بغيت اكمل وخانتني .. الدمعة الزرقا "

سقنا فعول الطيب لو الزمن شاح  على الوفا بروس المراقيب نرقى  ٰ  لا احدٍ يقول ان الوفا بالزمن راح  « دور ومن دور مع الناس يلقى » .

سقنا فعول الطيب لو الزمن شاح  على الوفا بروس المراقيب نرقى  ٰ  لا احدٍ يقول ان الوفا بالزمن راح  « دور ومن دور مع الناس يلقى » .

لا خان وقتك وأقرب الناس خلّاك تلقاني أقرب ، من وريدك لـ دمّك

في حفظ الله يا وجهٍ حداني لين حديته على درب الغياب اللي يسجه كل ملتاعي تمادى بالخطا والظلم والبهتان واهديته خروجٍ ما يجي عقبه رجوع ولا تجماعي