- @_ei1lli

" عسى الله يبشّرني بشيٍّ كنت أرتجيه / أنا ودّي أبكي من سعاده ومن فرحه " - ياااااااربّ .

خاطري ماهوب بطيب ولا مرتاح بال والعرب ماعاد لي شف في منطوقها اتظاهر بالسعادة واقول الحال عال ولا انا ضايق والاخلاق طايح سوقها .

ما مرتني الذكرى القديمه مرور اكرام احس بوجعها ينتشر  داخل اعماقي تعشى الحزن طرّاف كبدي وشبع وقام وانا خاييف يعود ويفطر على الباقي حقوق الضيافه ما تعدا ثلاث ايام وانا لي ثلاث اعوام والحزن فـ احداقي .

مهما استوحشت وحنيّت ماني من اللي يبكي ورا المقفي .

عنوان هالأيام وهذي اللحظه تحديداً : " عزاي إني تمسكت بهقاوييّ الكبيره لين ، تفانيت و اقتنعت إن ما معي حظٍ يجمّلها ".

"على طاري الخيباتّ : كنت أظنك صاحبي ستَر وغطاء والأمااان الليّ اخذني لديرته ؟ اثاريّك يوسف شكل , بس قلبك اخوانه - آوتش .

من صدّ عني ترى مانيب بـ محتاجه من دونه أعيش دامه عاش من دوني ٓ و إن قدّر الله مع الأيام نتواجه بـ تمرّ مثلك مثل ناسٍ يمرّوني ٓ بـ عيوني تصير ما تسوى و لا حاجه من بعد م كنت تسوى الناس بعيوني

ينعاف كل شخص غاب برضاه .

اتمنى العوض يعجل بجياته .

- يا ليلة مليانه هواجيس فكر يوديك و فكر يجيبك و فكر يخليك تهل الدمع :) تضحك ولا كأن صدرك ضايق .. و اغنيه كفيله توديك لعالممم ثااني ، و تتعمق بكلماتها و تحس ان هذا واقعك الي قاعد تعيشه و يتغير مزاجك بلحظة و كل الي ودك فيه : اعتزال الخلق :)

مساحة الليل ما كانت تكفينا كنا نسولف ثواني والفجر يطلع! ّ والحين عقب المفارق ، صار يمدينا نشبع هواجيس من وحده الين أربع .

كثر ماحب الشعر مانيب احب الظهور اشعر برغبه شديده للجفى السرمدي ودي بدرب الغياب الي يصون الشعور ولا حضورٍ كسر نفسيتي وجسدي مشكلتي اني مزاجي وانتقائي حضور اذا انتهوا فوضوييّن الظهور ابتدي بيني وبين المقام السهل حالة نفور ادوّر الحاجه اللي تستحق اجهدي :)

لا طال الرجا فـ الشي وابطى ترا ينعاف ولا امحق من العايف اذا عاف ثم دبّر .

حالياً الندم ياكل قلبي ، كل ما وثقت بشخص و زادت معرفتك فيه زادت الخيبات ، و صدقني مافي احن و اوفى من الكُتب .. لأنه اقصى خيبه تواجهها جرح من صفحاته ، لذلك لا تعتمد ولا تهقى في اي شخص يواجهك .

نعيش و ننسى ماعاد يهمنا احد دنيا جابتهم تجيب اطيب منهم .

النقطه الأولى والأخيّره والمُهمه :" راحتي موجوده بيدي وقلبي مقرّه يسار صدري " ، لذلك روحتك ما تاخذ معاها إلا ظلّك .

انا لي في الله حسن ظن ورجا و آمال كأني أشوف أقداره البيض قدّامي .

الخراب اللي بصدري من يديني - لحظة إدراك متأخرة .

" يارب لا تغيب شمس يوم عرفة إلا ودعواتنا مُجابة ، وقلوبنا مجبورة ، وذنوبنا مغفورة " .