𝘈𝘭𝘘𝘢𝘩𝘵𝘢𝘯𝘪 @id4l_

والله إني فقدتك و الضياع اللي بعد فقدك ماهو بيديّ .. أشوفك بين طيّات السوالف و أحبس الدمعة في عيني وألهيها توحشتك .. و أحس ان الأراضي تنطوي بي طي عليك من الرحابة .. كثر ماصرت أختنق فيها !

حطو عليّه النصايب لين صار التراب يحول بيني ومن بين الكفن لا المسه والله يلولا الصبر والاجر والاحتساب لا اقعد عند قبره اللي ضمه واحرسه .

يبي لي ثلاث سنين .. ماهي ثلاث أيام على شان خلق الله بموته تعزّيني توفّى وخلاني لحالي .. ولا ينلام لو الأمر بيده خابره مايخليني أنا ماني بناسيه لو مر عقبه أعوام لو أني اللي مت .. ماهو بناسيني .

بكيتك وأنا اللي مابكى غير من فرقاك وببكيك لين إن المخاليق .. تبكيني كسرني رحيلك جعل جنة عدن مثواك تلاشت عزومي وذبلت .. زهَرة سنيني عسى الله يغفر لك كثر ماعطت يمناك وعسى الله يصبّرني كثر مابكت عيني .

تظاهرت بالراحه و انا خاطري مكبوت اسولف مع سالم و اهون على هادي يا جابر ياشين البكيه اللي ما فيها صوت هذي والله اللي يمكن تطلع فؤادي له العهد في اللي عاد من عمري الموقوت لا اسولف من اسمه لين يرثونه احفادي — صالح النشيرا

والله ان لي شهر ماني بطيب مونس خلف الضلوع العوج حرّه واظهر الهيبه على العالم واغيّب ضيقةٍ حطت لها فالصدر جرّه اشهد ان ضيق الصدر ملعون صيّب ياكل ايام العمر والعمر مره ..

لابدها ياسعود بتغيب شمسي ذي سنةٍ رب الخلايق فرضها و لعلها حريتي بعد حبسي و لعلي ألقى عند ربي عوضها

من صب فنجال المفارق شربته والحقته بفنجال صدي وقفيّت .

—رتويت لعلّها المُنجيه

محدٍ يوصل مواصيلك لأنك غيييييييييييير ❣️

اسوء ما يصيب الانسان ان يموت وهو حي ولا يحس بطعم شي بهالحياه عايش ولا يوضح لحد شي وهو فاقد لذة الحياه بعمر صغير وقيل على سياق ذالك : تقلبنا الحياه الفانيه ضيق وتعب وارهاق ونضحك وكن مافينا من الضيقه ولا حاجه.

وين أغديّ ؟ يوم كل مداهيل هالأرض وفساحتها — ضيقة على قلبٍ بحجم الكف

مالك من ايامك الا صالح اعمالك والا انت جثّه واعز الناس يدفنها .

يروح النهار ويلفي الليل ماسجيت ولا عاد لي نفس مع الناس منطربه

في ليلة شتوية بردها جاف من بردها مايدفي الذيب صوفه حنا على وضح النقا قلوبنا نظاف و على عدانا مانحب المروفه وأنا أشهد أن الوقت ماعنده أنصاف عجزت أفرق بين أمانه وخوفه "لي صاحب مفقود ماعاد ينشاف ومالي على المقفين شف وحسوفه" خلاص نفسي عافت وخاطري عاف اليوم نفسي عن هواها عيوفه

لاتجبر احد على وصلك من بغاك تعنالك .

المخيف اني واجهت كل هذا وأنا في بداية حياتي وش بقى لعمري ووش بقى مني ؟

يقضون حوائجهم بالكتمان ويدورون على حوائجنا

ماعاد فيني حيل لمعاتب النّاس مليت اداريهم وأساير هواهم اللي ييون القرب على العين والراس واللي يبون البعد ربّـي معـاهـم

لا طابت نفوسنا من شي واقفينا لا عوّد اللي خذاه الموت عوّدنا .