_ @ops_6B

سريتك والسماء ليلة وداع وقلبها مرتاب وخذيتك وجهةٍ عن غربة الأرواح مجهولة ماهو من طبعي أمل المدينه وأتبع الغياب أنا يوم إنّي أتبع ضحكتك لي عام وشهو له

تزعل وترجع وتلقاني على خبرك وانا انكسر لك واجيك ادور لـ جبري امحق وليف ومحبه ولا اقول ابرك حسبي عليك اعشقك وانت تحفر قبري

أشيل حبك و هو لو ينوزن بالجرام ما شالته سبع الأراضي و سبع البحور

تحاليت الجروح اللي تجيني من يدينك لين دريت إن كل جرحٍ في حشاي أغلى من الثاني

رهيف شعور ويداري شعور الخاطر المكسور رغم كل الشدايد .. ما تنازل عن طموحـاته بنا مستقبل أحلامه : من أفكار وصور وشعور إذا الواقع قسى ، يرحل ويسكن في خيالاته .

أنا شخص حمّلته سنينه نصيب ثنين تمايل حموله لكن أزرت تمايل به تصدّى رغم عصف التجارب بصدره لين سلب كفّها ما كان تقدر على سلبه لكنّ الدروس اللي خذاها من الغالين تمرّ القلوب اللّينه وتغدي صلبه معه نفس لا عافت تفارق معاد تشين فلا تختبر صبره معك طالبك طلبه

أعطيه من وقتي يسولف وأسمعه وأرخي له فؤادي وأرخي مسمعي من كثر ما قلبي . . و تفكيري معه أشتاق له حتى وهو يتكلم معي

لا جـاتك الزله .. مــن اللي تـوده فكر بحفظ الود و اعرض عن الرد و إذا اعتـــذر عن زلته لا تـــرده بحر العلاقه دايم .. الجزر والمد حبل المواصل بين الاقراب مده ارخه ليا شـدوه واليا ارتخى شـد و إنس الخطا حتى تــدوم الموده من يذكر الهفوات ما يحفظ الـود

يازين طبع الركاده .. والأدب والوقار وياشين قوم الكبر والجَهل وأسلوبهم البعض طاري حضوره مثل طاري الغبار والبعض مثل الحياء نشتاق لقدومهم كم واحدٍ كنت أظنه من صفوف الكبار وإذا تكلم دريت إنه ... من صغارهم

رجعت أدورّك بين الرسايل والصور وأدّعيك وأنا مدري وش اللي من يد النسيان رجعّني معي كلمة عتاب أكبر من إني فاقدك وأبغيك ذرفت حروفها أوّل ماعرفت أنك ما تسمعني

- مساعد الرشيدي يقول: " أرويت صدري ضما وألحفت دربي سراب وتقول واصل مسيرك وانت في ذمّتي ؟ في ذمّتي ماوراك إلا التعب والذهاب ماهي بذمتك هالمره ! على ذمتي".

بدر عبدالمحسن قال : « لو يحبك عن وصالك ما غفّى »

يا ليل لا تفضح هواجيس الفكر خلي السكون يواسـي قلوبنا الدنيا دروب وما بها شي يستمر غير الرضا والطيب في خطو بنا

عسَى هالليلة تخالف ظنوني المعتاده وتبهرني بشيّ ما يطري على باليّ

غالباً الإنسان يضحك ويبتسم للمجتمع المحيط به عشان لايبيّن همومه وكسره لهم وطرت علي الابيات ذي: ابتسم ماكني اللي من شقى الايام شاقي وابتسامات الحزين اشد واقسى من دموعه ليت كسرة خاطري في ساعدي ولافي ساقي المظاهر زايفة والناس في الناس مخدوعه

عطيتك من كرم قلبي وانا ماني بحاتم طي احاول فيك لكني عجزت اعرف مفاهيمك.

عمومًا تعايشوا مع حياتكم مثل اللي يقول : لاتحسب ان الليالي كل ابوها ربيع ، لأن طبعًا لازم تلوفك هبوب القيض وسمومها

شلون بشرح لك اللهفه بـ قلب شغوف ؟ وأنت المشاعر من أولها إلى أخيرها لدّ النظر في عيون اللي يحبك وشوف أشياء واجد .. بتعرف ويش تفسيرها ماهو ضروري أحبك تنقرا بالحروف عيون الأحباب تغني عن .. تعابيرها

اخاف ابعد و تحسبني اتجاهلك و خاف اقرب و اصير مصدر ازعاجك

والله إن اللي تحـبه .. لو الدنيا تميّل لاطرى وجهه ، يخليك ذو صدرٍ رحب تشعر إن الذاكره .. دايم تسوي جميل كل ما جابت على البال وجه اللي تحب