🇶🇦 @qtrr_8

يعمّ الهُدوء ويستثير السُكون الصوت وأنا بين صوت العقل واحساسي الجايش ما ضيَّعني وذوَّقني الموت قبل أموت الا عقلي المتحرّص وقلبي الطايش أشوف الحياة جْنازةٍ في بطن تابوت لكنّي رغم كل الصعوبات متعايش ترا ما أصعب من الموت واللي خلاف الموت إلّا الفترة اللي لا أنت ميّت ولا عايش

0 0 2 209 0

🇶🇦 @qtrr_8

10 months ago

تغاضي يا عيوني والسنين قصار مادام الوقت لا انصفني ولا انصفته احب اللي مضالي واكره التكرار واشوف اللي يخوّفني ولا خفته غريب شعور والواقع غريب اطوار كثر ماكنت راضي ، كثر ما عفته ياكثر اللي تحاشيته يصير ، وصار وياكثر اللي تمنّيته ولا شفته

0 0 0 164 0

🇶🇦 @qtrr_8

11 months ago

طيفك هو المرحبا والمسهلا والسرور وشوفك هي المنوه اللي صعب تحقيقها لك الغلا والتفاني والشعر والشعور وروح تشوف ان وجودك ضمن توفيقها وقفت بين احتياجي لك وبين العبور وما بين شرهات الاحباب ومواثيقها من كثر ما اشوف وجهك في وجيه الحضور صرت اقبل وجيه ناس ٍ كنت ما اطيقها

0 0 1 166 0

🇶🇦 @qtrr_8

11 months ago

فاقدٍ لي عمر من عمري .. و فاقد وجه نيّر كان قربه من متاهات العمر مخرج طواري

0 0 1 113 0

🇶🇦 @qtrr_8

11 months ago

سبحانه اللي يزرع بذور المحبة فالقلوب واليا عطى عبده قبول الناس جاته مقبلة بعض الآوادم تقبله لو فيه شي من العيوب وبعض الآوادم لو تحاول تقبله ما تقبله

0 0 0 165 1

🇶🇦 @qtrr_8

11 months ago

أميّز شعور الحاسد إن قال وإن ما قال تغيضه حروف اسمي لا مرّت على سمعه محدٍ سالم من الحسد حتى فقير المال يحسده غني المال .. في موتة الجمعه

0 1 2 140 0

🇶🇦 @qtrr_8

a year ago

مانيب مجبور أخاطب على قد العقول والله إن بعض القناعات عندي مهمله الكلام تشوفه الناس .. حل من الحلول مثل ما أشوف التجاهل يحل المشكله :)

0 0 1 132 0

🇶🇦 @qtrr_8

a year ago

مرني لا تاه دربك من زحام الحياة الغلا اللي رحت منّه على حطة يدك

0 1 2 361 1

🇶🇦 @qtrr_8

a year ago

يا رب أنا عبدك وابن عبدك وراجٍ في عطاك وعبدك ليا ضاقت به الدنيا من إلهامك صبر يا رب لو كبرت همومي ما هي أكبر من قواك ياللي ليا منه خضع لك عبدك بصغره كبر يا رب ماني طالبٍ يا غير عفوك مع رضاك اليا رضى وجهك علي أقبل عليّه ما دِبر

0 1 0 342 0

🇶🇦 @qtrr_8

a year ago

من دموع الوداع ومن جروح السنين يبحث الوقت خافي واحد ماحكا ادري ان العرب ماتدري اني حزين اتعامل مع حزني بصبر وذكا ممتلي ذكريات وضيقه ودمع عين وموجع صدري الي للعرب ماشكى أسعفوني بقلب مايعرف الحنين واسعفوني بعينٍ ماتعرف البكا

0 0 2 293 2

🇶🇦 @qtrr_8

a year ago

مدامي في ذرى قلبك عن الصدمات والتقصير ماعاد أخاف من طول الطريق وضيقة المسرى أحبك .. والهوى فوق الكلام العذب والتفسير ياوجهٍ فيه مستقبل شعوري ماغدا ذكرى عرفت إنك فرح قلبي وضحكات الليال وخير يا حلم العمر مابعدك غرام .. وفرصةٍ أُخرى