☾ @thinkingcloudly

wears black and loves taking photos• ☾ ⋆⁺₊⋆ ☁︎ Joined July 2021

Tweets

359
Followers

3K
Following

22
Likes

110

☾ @thinkingcloudly

2 hours ago

محد يراقبك كثر اللي يشكك فيك وبقدراتك وهو يدري بداخله انك تقدر بس ما يبيك تنجح

1 2 6 549 1

☾ @thinkingcloudly

8 hours ago

"أدري بتروحين مشرف باجر بس ولهان عليج ودي أخطفج نتغدا مبجر شوي وبعدين روحي لهم وادري ما راح تقولين لا لأن هم انتي ولهانه علي" الأسلوب اللي اييب راسي

1 0 18 2K 7

هالصيف استوعبت ان وايد ناس يحبون الحياة وعندهم sense of fun بس دائرتهم قامتتهم ومو معطية هالجانب اللي فيهم حقه؛ صج لي قالوا الحي يحييك ويعينك على المغامرات والتجارب اليديدة والوناسة والا الميت مو بس يزيدك غبن الا اييب لك الهم والغم ويضيع عليك فرص الإستمتاع بالحياة.

0 8 57 4K 15

☾ @thinkingcloudly

a day ago

لما دوامكم يكون مكان تحترمونه ويحترمكم وتحبونه ويحبكم وتقدرونه ويقدركم يصير في تجهيزات back to work من لبس ولوحات وزرع حق المكتب وغيره بكل حماس.. صج اني زدت الچيلة هالسنة بس أستاهل ويستاهل مسماي اليديد ✨

1 0 19 2K 4

☾ @thinkingcloudly

4 days ago

من المناظر اللي تسعد قلبي؛ بنات متيمعين ومستانسين ✨

0 4 21 2K 0

☾ @thinkingcloudly

6 days ago

لا يوهمك إبليس ان عادي تغلط بحق شخص وما تعتذر والا عادي تسكت بوقت تكون كلمة الحق مطلوبة والا تطلّع أعذار حق نفسك الأمارة بالسوء وتقنعها انك صح وانت تدري بينك وبين نفسك ان ما لك أي عذر؛ لأن كل هذا تكبر والتكبر طرد من رحمة الرحيم يا رب رحمتك وسماء رحمتك وخزائن رحمتك العمر كله🤍

0 9 27 3K 9

☾ @thinkingcloudly

7 days ago

ساعات نسكت لأن لاعت چبودنا مو لأن الطرف الآخر صح

0 10 13 2K 1

☾ @thinkingcloudly

a week ago

ساعات يطلع من حياتك شخص وما يكون العوض بشخص بداله؛ يكون في شغل أبوابه تنفتح لك يكون في مغامرات ناطر تعيشها وتتسهل لك يكون في بشر يسمعون فيك ويسخرهم لك ربي يكون في حب كنت تنطره من الناس ويصب عليك من رب الناس الحمدلله يا رب العزة والكرامة أكرمتني وعزيتني ورفعت قدري ✨

0 12 40 3K 11

☾ @thinkingcloudly

a week ago

خمس دقايق واوصل -خمس دقايق وثانية وألمج

0 1 15 2K 1

☾ @thinkingcloudly

2 weeks ago

قصص الحب وايد بس قصة حبي لحياتي تتجدد وتتفاقم مع قصة حبي للبحر؛ الماي المالح اللي على بشرتي بعد السباحة والهوا اللي بين خصلات شعري يخليني أمتن حق أبسط شعور وان الله خلق لنا هالكون نستمتع فيه ونلقى نفسنا تحت الماي مع باقي خلقه نتشبه بحركتهم ونتأمل موطنهم ونطلع مولودين من يديد 🌊

0 1 10 3K 4

☾ @thinkingcloudly

2 weeks ago

دايمًا أدعي رب العالمين ان عيوني تشوف أجمل وأفضل شي وان قلبي يكون هيّن ليّن ويسامح الإساءة والأذية ويتجاوزها بسهولة ويسر وان عقلي يتخطى أي حدث سلبي وان روحي تكون متعلقة بالله أكثر من أي شي فتكون روح صلبها اليقين.. ووعد الله حق {وَقَالَ رَبُّكُمُ ادْعُونِي أَسْتَجِبْ لَكُمْ} 🤍

0 12 32 3K 11

☾ @thinkingcloudly

2 weeks ago

"عز الله ان وجهج يفتح النفس وسوالفج تفتح النفس وان قعدتج تنشرى مو بفلوس الا بمال قارون كله"

0 1 10 2K 6

☾ @thinkingcloudly

2 weeks ago

كل ديرة يديدة أسافر لها لازم أسوي فيها food tour وكل مرة يكون يومها أحلى يوم بالسفرة.. أتعرف على ناس وأستكشف طرق تحضير الأكل من المزارع لي الطاولات والسوالف عن التاريخ والثقافة اللي مرتبط بالمنطقة وأكلها.. سعادتي ما توصف بهالموضوع ✨

0 0 12 5K 7

☾ @thinkingcloudly

3 weeks ago

الحمدلله ان للحين عندي مشاعر طفولية؛ أتحمس على مكان يديد بروح له وأتخيل التجربة شلون بتصير وصعب أنام اليوم اللي قبله من الإشتطاط وطول الطريج أطالع الساعة أشوف جم دقيقة على ما نوصل وأشكر رب العالمين انه يجازيني بمشاعر أحلى من هذا كله لأن اللي يصير أحلى من اللي تخيلته بوايد ✨

1 2 20 3K 8

☾ @thinkingcloudly

3 weeks ago

اللي ناطر منك زلة وانت متأكد ما صارت ولا راح تصير خله على فاله وخلك بعيد عن فاله

0 2 11 4K 2

☾ @thinkingcloudly

3 weeks ago

ربي انك العليم البصير تعلم ما في قلبي وانت القادر القدير لا يعجزك شي فهب لي من لدنك حب ودود، رحيم وقت الخلاف والإختلاف، حب يسكن قلبي إليه بهدوء وطمأنينة.. ربي استودعتك قلبي وشأنه أن تحفظه وتنزل عليه السكينة وتيسره لما تحب له وما يليق فيه فلن يحسن تدبيره إلا من نفخ من روحه فيه 🤍

1 10 29 5K 9

☾ @thinkingcloudly

3 weeks ago

أسولف مع رفيجتي عن إساءة الناس للناس وقالت شغلة سامعتها من قبل بس شرحتها بشكل عجبني؛ تقول اللي يؤذي الناس ممكن تدور الدنيا عليه بنفس فعله بس اذا ما راح يشعر بنفس الأذى ممكن الدنيا تدور عليه بأكثر شي قلبه متعلق فيه بهالفترة وعشان جذي نشوف القصص تتراوح لكن عدل رب العالمين واحد.

0 2 35 3K 9

☾ @thinkingcloudly

3 weeks ago

"خالتي عواشه أنا أحس لأنج سافرتي ورحتي البحر وسبحتي وغصتي ورقصتي يعني انتي صج شخص يعرف يستانس فالمرة الياية لازم تاخذينا معاج لأن أمي مليقة وتخاف من كل شي وانتي أكيد تبين تروحين الجنة ترى راح ندعي لج وايد"

0 0 24 4K 13

☾ @thinkingcloudly

4 weeks ago

ترى النظريات اللي تخص العلاقات والزواج والعيال والطلاق والتربية والفقد والقلق والتوتر وغيرها مجرد نظريات لين يحصلك الموضوع وتمر بالتجربة وتفهم ان نظرياتك مو واقع