Abdulaziz Abdullah @zozalm1

البـيت عـقب وجـودهـا يـا ولايف ما به حلا ولا زان لي فيه مجـلاس الله مـن عـيـنٍ دمـوعــه ذرايــف العـيـن عـيّا يـاتـيه نـوم ونـعـاس يـالغـاليه.. يا عل مالتس حسايف في جنة الفردوس به كل الأجناس

راضي ومتغاضي وسو اللي تبيّ تسل روحي في الهواء وتصبّها..

والقلبُ ما دامَ بالرحمنِ ذا ثقةٍ فكل شيءٍ بحسنِ الظنِ يُجتلبُ

سلـم على اللي ﻻ طرت لي مواريه تذكرت ان كـفـوف اﻷيـام دسـمـه ٰ تعـطيك شخصٍ لو يجيبون طاريه يـرسم على محـيا ملامحك بسمه..

يا وجودي لا دنا الليل من روس الجبال و أنتهى يـومٍ من العـمر ما عـاد أرتجيه ..

دام راسـي حـي يـا سـمـح المـحـيــا لا تـضايـقـك الـظـروف و لا تـهـمـك ارك هـمـك بـ الـمـعـالـيـق و تـفـيّـا وسـوّد الله وجهي إن ما شلت همك

حـاول تسـلي خـاطرك قـدر الامـكان حـتى لـو ان عنـدك مشـاكـل كـثيره لا تـصـير مـتـكـدر وضـايـق وزعـلان وخـل الكـبيره في عيـونـك صـغـيره واللي تشوف انه مع الوقت ما زان..؟ مـا تـدري انـه يـمكـن يكـون خـيره..

وتـرى الفـرج نـهاية الصـبر لو طـال عـواقـب الصـبر الحـقيـقي مـفيده من لا صبر على المصاعب والأهوال مــاهـو بـلاقـي لـه حــيـاة رغـيـده

تحـت دبـرة الله ما عـليـنا خـلاف ولا خـوف تـمـر السـنين وتـمشي .. إن سـرّت وضـرّت عـلى خـبرك ندلـه خـواطـر ونبعد الشـوف يـا كـم قـلبٍ أضحـكنا وكـم روحٍ إنسـرّت ولو نخاف من باكر ترى الخوف كل الخوف تـكـون أجـمل أيـام العـمـر بالفـعل مـرّت

لا توصـيني على حفظ السراير وانت غـالي والله اني حافظك وادرى عليك وكلني لـك لا كتبت اسمك وانا فــ البـر لو اني لحـالي ألتفت وامحيه من خوفي عليك وحبني لك

الملتزم بالصمت مايخطي ولا يخطى عليـه انشهد ان الصمت يحفظ للآدمي شخصيته..

يـاارب واحـلامي لو إنها كبيـره ماهي كبيـره دامني قلت يارب..

يـالله يامعطي العطـايا مراديف ياللي ما تلحق مد جودك بمنّه ٓترزقني الخـيره وزين التصاريف ورضاك يوم رضاك مفتاح جنة..

تـراك السيف الاملـح و راس المـال و درعي من ظروف الحياه و بلاويها

بعض الخطا يمكن تمشيه الاعذار أعدّي الغلطـة بكيـفـي وطـوعـي وبعض الخطا لو ياخذ يمين ويسار لا جيت أسامـح كني أحـب كوعـي…

ندري ان الـوقـت دوّار واللي فيـه فيـه والمـواقف درس والسبت قافيه الأحد ان صفت الايام فـ ابرك وهذا اللي نبيه وكانها عيّت « فالايام » ما تصفي لحد

حنا طوال وجيه ونفوسنا عزاز وأقـدارنا بأمـر الولـي سـيّرتنـا ٰ نعتـاز يوم ويوم نفزع لـ معتاز تـومي بنـا الدنيـا ولا غيّرتنـا ..

خلوني آخذ راحتي وارتاح من ضيق الخناق محتااج لي سجّـه تعيد الراحه المستبعده ياخذني التفكير لـ ابعد مرحلة وابعد نطاق واعيش في غربة عن الواقع ورحله مجهده منها يمـر البـال في ضيـقه وهمٍ مايـطـاق واميل للعزله واشوف ان الظـروف معقده…

ليه يا صلبوخ تقسى على عيـال الحرار.؟ وتشحن اللي طول عمره وباله ما هدا.؟ فيك والله ضيـقت الليـل لا قـفّـا النهـار نـعنبـوها تهدم الحـيـل لا طـال المـدى مير صـاامل لا تصاغـت بريهـات الكبـار العـزوم أثقـل من طـويق وجبـال الهدى

سلفوني وسع خاطر وخلوني اعيش والله إن بعض الليالي تضيّق خاطري .